إحساس الخال ,,, بقلم الشاعر عصام دويدار
إحساس الخال
.........................
سوق الكلام مليان
ولكل كلمة مقاس
في كلمة زي الجزم
أخرها بس تنداس
وكلمة حلوة شكل
لكن تعري الناس
وكلمة زي العقل
موزونه كيف الماس
................................
يا أهل الكلام والقول
توهتوا ليه الناس
دي الحكمة اصل القول
مش رص طوب وخلاص
فوقوا وبزيادة
طعم الكلام ماسخ
عارف كما العادة
هتقولوا واد بايخ
واخد الكلام منظره
وعايش علينا الدور
وايه اللي جابكم ورا ؟
غير بس قول الزور
..................................
عصام دويدار
