المواطن مصرى *-* بقلم الشاعر المبدع / حسن السحماوى

المواطن مصرى

أنا منك وأنت كمان منى

تلاقينى فى أصلك أوصالك

وخدينى خطوة فى مشوارك

تنسينى ترجعى تلاقينى

منتظرك زى ماسبتينى

من نبتك زرعتى وشبابى

وعاهدتك أنا أصون أحبابى

وخدينى شجرة لشمساية

تلاقينى ضليلة لبكرة

أنا وقتك من أصل تاريخك

وأنا صوتك فى ميدان تحريرك 

وأنا منك وأنا برضة شهيدك

أنا صابر وف صبرى أريدك

وشاريكى ولا يوم راح أبيعك

وف ليلك مستنى نهارك ... !!

أرويكى وأسقى فى اغصانك 

واصونك واحمى فى اوطانك

يا بهية .. أنا أصلى ... قضية ..

أنا شايل زمنك فى عنيه ..

وسنابل طرحت قمحايه ..

وحمامك .. حب الملاغيه 

قام طاير ... طفشان م الغيه .. !!

إلغاء إعجابي