( جبال الوجع ) بقلم/ علي عبد المنعم مبروك

( جبال الوجع )

شايل علي كتافي الجبال

متحنطين جوه الوجع

لما بقع

تكتر سكاكين الضلام

و الصبج نام

لما الغلابة اتيتموا

قبل المعاد

والولاد

حطوا علي صوتي الكفن

ما هو الزمان خان الوطن

و فضلنا نحلم باللي فات

و مداين الاقصي تبات

شايلة دموع المهزلة

هياها نفس المسألة

لما باعونا في العراق

رسمونا طير من غير جناح

مضغوا بلادنا يا عرب

متقمصين المرجلة

فين العمامة والجدع

هيكررو فيلم الكيماوي و الدمار

عشان يبحوا المدبحة

في سوريا حطوا الاسلحة

كتبت فصحي من يومين

وعشان ولاد اهل البلد

حكيت بلغة المصطبة

يمكن نفوق من وهمنا

ونعيد وطنا اللي اتسرق