الشاعر محمد حسن فرغلي عنوان القصيدة الندم

‎

ديوان قلب كبير

******
ليه بالمشاعر تلعبي
ليه بالحروف تكدبي
انا بارويكي الحنان
وانت رافضه تشربي
******
رافضة عيون بتراعيك
رافضة حروف بتناديك
رافضه قلبي ليه يحويك
وانا بالحنان باحتويك
******
ولا انت عامله لي ناسيه
وكل الالام ليه ياقاسية
وانت بسلامتك متربعه
وببر قلبي قاعده راسيه
*********
نفسي اعرف مره ليه
تكرهي حبي تعانديه
ولما اقرب ليكي حبه
ترمي قلبي وتبعديه
*****
طب قوليلي كل مرة تعندي
ولما أقرب انت عني تبعدي
طب كلامي ليه تنسيه
وانت اللي ليه بترددي
*******
طب تبعدي يالا ابعدي
الحب اصله مش كلام
الحب حس يملي القلوب
وانت بحروفي تشهدي
بس اشهدي ان الندم
راح يتملكك وهتتوددي