ارجعيلي ما تزعليش بقلم / امل السيد
ارجعيلى ما تخافيش
غير حبك واله ماليش
ارجعيلى وما تتوهيش
من غيرك مااقدرش اعيش
ارجعى وما تجرحيش
قلب فاتح ليكى شيش
غير عيونى ما تشوفيش
غير ملامحى ما تحفظيش
غير سكوتى ما تسمعيش
فيكى اعيش
بيكى اعيش
ليكى اعيش
ارجعيلى عشان اعيش
خايفة ليه
باقى ايه
جوى منى ما شفتهوش
جوى قلبى ماعيشتيهوش
شوق ووجد وقلب حب
عمر عدى منى عد ليل وطال
وقلب مال روحي ساجدة للجمال
كله ليكى ما ينقصوش
عينى بكية وروحى شاكية
وبحنينى نين عيني اتحنت
بيه الصبايا والملاح
ضيي لاح ولساني باح
روحى تطلب السماح
دمعى سايل ع اللى راح
صوتي نادى يا فؤادة
ارجعي ما بترجعيش
ارحمى ما بترحميش
اسمعى ما بتسمعيش
خايفة ليه باقى ايه
ليه يا عمرى ما تسمحيش
ردى على قلبى يا ليلة
خايفة ليه؟
ليست هناك تعليقات