التوبة بقلم/ أمل السيد نصر

 

ياللى اصبحت بجدارة
قاتل لاخوك وبمهارة
خنت بلدك
خنت دينك
خنت ربك 
اللى حملك الامانة
ياللى ما رحمت الدموع
والصراخ بين الضلوع
صرخة وحدة منه تحرق
الف بيت جوى النجوع
ياللى ما رحمت المحبة
بين جيران عايشين فى شدة
دقة وحدة من قلوبهم
جنة فيها الدنيا وردة
عمر جى بكره فيه قبل انهاردة
ياللى ما عرفت الاخوة
كيف تعيش فى القلب جوة
لما عمرك يفدى عمره
وانت عارف انه لابنك الابوة
ياللى ما رحمت الشباب
مفتوحة امامهم الابواب
شمس نورها بايدك غاب
وفديت بدماهم الاغراب
راح يجيلك والله يوم
هيحسبك فيه القيوم
على سفك الدم بالكوم
راح ياخد حقه المظلوم
وهينشف دمع المهموم
وانت الواكل للذقوم
ياللى بايعت المال والجاه
مهما وصلت ما تبقى الااااااااه
ولا عرشك دايم ما بلاه
ولا واصل ابدا لسماه
ليه تتباع برخيص ما غلاه
تحرق عمرك جرى وراه
والاخر خاسر فى سماه
دا الملك كله لله
ياللى ما عرفت الإلاااااااااه
واضح ما سمعتش نداه
ولا فاكر غضبه ولقياه 
ولا مفتاح جنة بيداه
ولا نار تحرق اللى عداه
اصرخ واطلب منه هداه
ارفع كفك للمعبود
ارجع تانى لربك عود
بدموعك ابكى بلا شهود
ياما ربك بالتوبة بيجود