عذاب الحب ، بقلم / عوني هشام

عذبونى وكان ذنبى

اننى بهواك

ولامونى على حب

انت فيه بملاك

تركونى بلا قلب

انت خدتة معاك

ﻻ قلبى جانى من تانى

ونبضة ينادى آه يانى

صباحة

يردد كده فى اسمك

وليله

سهران مع رسمك

صدى صوتك

فى وجدانى

وكل لحظة كان وياك

عذاب الحب

كان قلبى

وحبك

هو احلى عذاب

تعالى اعيش

وانا جنبك

ليه نعيش

بعيد اغراب

سنين صابر

على حبك

ولما تجينى

تقول دا سراب

ليه يا آسى تظلمنى

وليه تزرع

فى قلبى خراب

كفاية الناس

لامونى على حبك

وشفت عذاب

ما شافه حبيب

كده فى قربك

تركت الدنيا

بس يطول وصال ودك

لقيتك آسى

بس القسوة مش طبعك

اكيد خوفك على قلبى

ولحظة عشتها جنبى

وعين الناس

بدون احساس

ظلمونى انا وياك

رحت بعيد

وفى بعادك انا بقربك

حرام تظلم وتتعذب

انا بحبك

عايش على نار

لا عمر الناس هتتركنا

وتترك حب م الاطهار

كلام فى كلام

واحد مرة يقول بسلام

وميت واحد

هيتكلم تيجى تعاتبة

يقول دا هزار

نعالى كفاية من هجرك

دا بعدك فيه عذاب ومرار

يا اما تسيبنى اشوف حالى

اروح وابعد وده بقرار

قرار الحب انا اخدته

قرار الهجر كان وياك

ضاع عمرى انا سيبتة

فاضل ايه تانى لسه معاك

سيبنى اعيش على ذكراك

يمكن احن لك تانى

وتانى صعب اكون وياك

مات حبى وبقيت جانى

كفانى عذاب كفانى ضنى

ياريت تقدر وتنسانى

ياريت تقدر وتنسانى