عاشقة ترابك يا حرم بقلم / أمل السيد نصر
نفسي اجيلك يا نبى
ياللى حنانك مذهبي
ياللى مكانك امنية
لكل عشاق النبى
لما تروح سلم عليه
وادعيللى دعوة بين ايديه
قول له يزورنى فى المنام
نفسى اشوف وجه الكريم
واشعر بروحه والنسيم
والله بروحى اشتقتلك
وبنبض قلبى بحنيلك
واشكي إليك غدر الزمان
وتوهة روحى فى المكان
والله معاك بس الامان
نفسى اجيلك يا نبي
ياللى حنانك مذهبي
واسجد واطول فى السجود
واناجي ربي بالعهود
واشكر حنانه ع العباد
لما الايمان بينا يسود
نفسى اجيلك يا رسول
والعمر فى رحابك يطول
والثانيه عندك يا حنون
بكل اوقات الجنون
نفسى اجيلك والندا
طهر فؤادى من العدا
خلالى كل الكون فنون
نفسى اجيلك يا حبيب
وملي عينى من قريب
ينبض فؤادى من الفرح
وينسى يوم كان فيه غريب
نفسى اجيلك يا امين
كسبانة بيك دنيا ودين
عشاقة ترابك ياحرم
لو حتى عشت فيك سجين
ليست هناك تعليقات