نام وأرتاح ياشهيد ، بقلم / المدثر بن يحيي‏

نام وارتاح ياشهيد

مش ذنبك ان أخواتك

لسه بدم عبيد

نام وارتاح وأتهنا

نام وأفرح بالجنه

دى خلاص مابقتش بعيد

لو أهلك حزنوا عليك

وعذابهم زاد بعديك

طمنهم لو حتى فى حلم

عرفهم ان انت سعيد

عرفهم حجم الفرحه

بالحور العين الصالحه

عرفهم حجم الرحمه

من رب صادق الوعيد

عرفهم أنك فى مكان

احسن من أى مكان

عرفهم انك مبسوط

فى الجنه خلود وامان

فى الجنه الظلم خلاص

فارق قلوب الناس

واتبدل بكل محبه

خلقها الحنان المنان

فى الجنه القلب ارتاح

والحزن أتبدل افراح

تجرى من تحتك انهار

عايش فى قصور وبراح

أتكلم وكلامك واصل

أنا مش زعلان من القاتل

ده أدانى احلى مقابل

سهلى طريق الجنه

عرفنى طريق المفتاح

أنا لما عرفت جزاءه

و عرفت مصيره وبلائه

من هول النار حنيت

وطلبتله من ربى سماح

فى النار الجلد بيسقط

القاتل جنب الملحد

مش واصل غير بس صياح

الأكل فيها صديد

وعذابهم فيها شديد

وقيودهم فيها حديد

يتبدل الجلد بغيره

وعذابهم بيزيد ويزيد

فى الجنه خلود ونعيم

فى النار ذل وجحيم

والفرق مابينى وبينه

أنى بأيده أصبحت شهيد