من نظره عين ........... بقلم / محمود الشاعر

بقلم / محمود الشاعر

كنت قاعد.. في حالي..في لحظه.. كان فيه...ا الجو هادى. .
كنت بسمع صوت العصافير بتغررد.. رسمت ضحكه في السما..
بصيت الناحية التانيه.. لقيت واحده باصه فىالسما ..
شافيه الطيور بتغرد .. الله..الله.. على دا جمال..
مش اى جمال.. دا جمال رباني.
أول ما عيني جات في عنيها.. مش عارف إيه اللي حصالى..
حسيت أنى غرقات واتعلقت في قشايه..
وبطرف عيني لمحت مركب.. فيها واحده.. نادتلى..
ركبت معاها.. ودتنى في جنه.. كلها خضره وورد وميه. .
على الخضره مشينا.. وفى الورد شمينا.. وفى بحر الشوق عمنا..
قلنا كلام في الحب جنان..
وفجأه اختفت.واختفا كل شيء وياها.........
اتارى بنت الناس في لحظه غمضت.. عنها عيني وفتحت..
وبعد كده مشيت..
قلت أنادى عليها..
لقيت الطيور حوليها.. بتغني...وأنا صوتي مش واصلها..
جيت تانى يوم.. وفى نس المعاد بصتلها..
لقيت الدموع على خدها..
بعت نسمه هوا..تروح لها وتقول لها.. ليه الدمع على أجمل خد يسيل..
رجع الهوا زعلان..قلتلو احكيلى.. طمنى...
قالي عيونها شافت عينيك.. وقلبها عشق قلبك..وهى كلها ملكك..
ودايما سامعه صوتك بس قلبها مش ملكها..
قلت ازاى يا هوا؟؟
دا أنا من نظره عين حبتها.. وقدام عيني شايفها.. ومن غيرها أنا ما أسوا..
قاللى مش كل اللي نتمناه يتحقق.. إيه يا هوا أنا مش فاهم كلامك..
قاللى صبرك عليا.. أصل هيه مخطوبه..ويوم الخميس بكره هياخدوها..على بيت عريسها ويزفوها..
وبعده هتبقى ليك ذكرى حلوه..
وكفاية انك لقيت قلب يحس بيك حتى لو كان مش ليك