سؤال موجوع .... بقلم / سميرة الاسريجي

بقلم / سميرة الأسريجي

 

سؤال موجوع
----------
انا قلبى على بلادى بيتحسر
صنعنا المجد وبادينا بيتكسر
انا ع...مرى ما كنت يامصر اتصور
اشوف صورتك وفيها الدم متوفر
واجيب صوره على صوره
الاقى جرحنا بيكبر
والاقى حلمنا بيصغر
لحد مايبقى مدمر
جرالك ايه
على نفسك قويه ليه
وعلى ولادك قسيتى ليه
ماكنتى عروسه محروسه حزنتى ليه
وكنتى ورد بيفتح وعطرك فيه
خلاص شبتى وعجزتى
وهم سنين على ظهرك اخدتى عليه
حزين قلبى عليكى يامصر
اقولك ايه
ماكنتى جميله وجمالك كانور البدر
وقلوبنا بدعيلك فى صلاة الفجر
تعودى صبيه محميه
واشوف ارضك بدال الدم تطرح ورد
ويروح المر من حلقك ويجى الشهد
ويروى عزمنا ارضك وتطرح زرع
بدال القطن يابلادى زرعتى الهم
وحزنتينا على الغالى وعصرتينا لحم ودم
قوللنا يامصر وخدانا معاكى لفين
وليه شمتى فى ولادك غراب البين
شبابك ويا اخوانك الكل حزين
لا عارف جايبه ايه بكره
ولا بكره هانوصل فين