"تحيا مصر" * بقلم/حلمى قاسم

"تحيا مصر"
****
تحيا مصر قويه جامده
صابره صامـــــده
اعتى من قمم الجبال
تحيا مصر وخيرها وافر
رغم انف كل كافـــــر
مهما تتعب او تعافر
ومهما سرقوها البغال
تحيا مصر يد وحده
بالمحبه والمـــــــــوده
قلب واحد دم واحد
طه مرقص واعتدال
تحيا مصــــــــــر أم لينا
مهما نبعـــــد بتنادينا
لـــــــــو نشرق او نغرب
عشقها موصول حبال
تحيا مصر تاريخ وماضى
وبطشها على كل بادى
و اللى خاين والأعادى
واللى حاول يطفى شمعه للنضال
تحيا مصر أم صابره
وفى الحنان قصه وعبره
مش مجامله او مكابره
او كلام وهم وخيال
تحيا مصر ترابها شاهد
ع البطل ويا المجاهد
واللى واهب روحه ليها
واللى عاشق لون عنيها
واللى صابر ع البلاوى
واللى عاشق واللى غاوى
واللى دمعه فيها سال
تحيا مصر ولو هانبعد
عايشه فينا مهما نعند
مهما نهرب برضه غاليه
حبها ساكــــن شمال
تحيا مصر تاريخها شاهد
والحضاره والمعابد
والصخور ويا الرمال
تحيا مصر ونورها ساطع
ع المداين خيرها راتع
فى العلوم والأرتجال
تحيا مصرعزيزه حره
ورده فله شمس ضله
حسنها ملهوش مثال
تحيا مصر فـِ كل ناحيه
فى المدينه او فى ضاحيه
فى البوادى وكل وادى
مــــــــن حــــلايب للقنال
===================