هنت عليك ... بقلم / سميرة الاسريجي

بقلم / سميرة الاسريجي

 

هنت عليك
هانت عليك دموعى تنزل ع الورق
قدرت تجرح قلبى بعد ماحن ورق
فوضت فيك امرى للواحد الاحد
لاهاشتكى لناسى ولاهاشتكيك لحد
... هشكيك انا لقلبك هو بالشكوى احق
يحكم مابينى وبينك ويعرفك ايه الفرق
بين اللى حب بحق وفى غرامك غرق
واللى ساب حبيبه قلبه يتحرق
انا هابعد واسيبك تشوف معاها نصيبك
بكلامها قدرت تجيبك وانت ماقلتش لاء
ووجعتلى قلبى وكمان شقيته شق
ياتيجى تقول سامحينى ياملكش فى قلبى حق
لاكن لو طال غيابك انا اللى هاقولك لاء
ارجع ليها ياشاطر قلبى مابقاش يرق
ومادومت هنت عليك هاتهون عليا بحق
--------------------------
سميره الاسريجى