على استعداد ... بقلم / علاء دهيس

بقلم / علاء دهيس

 

على استعداد

عشان يجمعني يا ملاكى

فى لحظة حب وياكي

مكان ومعاد

على استعداد

أضحى بعُمرى وسنيني

وابيع نفسي ونور عيني

واعديلك بحور وبلاد

وده مش كتير يا حبيبتي عليكي

بس أشوف نظرة غرام فى عنيكي

والمس بايدي لو حتى مره ايديكي

وده حلم عمري

اللى عشانه ترخصله كل سنيني

عشان حاجات جوايا ليكى بحسها

نفسي اطير فى سمايا وامسك شمسها

واجيبها ليكى تترجى فيكى بنفسها

عشان تحني واخدك فى حضني بعد ما تحسيني

وجربينى

لو يوم تجيني

ساكن فى قلبك أجمل هوى واحساس

ساعتها هقدر

من غير ما افكر

عشان عنيكي اتحدى كل الناس .