شهيد الحب ... بقلم / سحر جمال

بقلم / سحر جمال

 

انا كنت عايش و خلاص
لا ف قلبي حب ولا احساس
... لقيتك فجأة يا حلم عمري
و واخدني عن عيون الناس

عشت معاك كل اللي فاتني
و اللي عدىَ من عمري زمان
نسيت حزني و هواك آخدني
لعالم كله شـ♥ــوق و حنان

مفيش صبر بيصبر قلبي !!
دا الصبر عندي محتاج لصبر
وبكتب لك بقلبي كلام الهوىَ
آهـّ من غير قلم و لا حـــبر

رغم البعاد .. شوقي بيزيد
لقيت العمر وياك بيـــعود
صبح قلبي ف هواك شهيد
وحابس نفسه فِ سجن الشوق