غيرة القمر ** بقلم : (عبدالحميدالتهامى )
كنت بأحلم بكِ
زى كل يوم
ولقيتك فجاءة
فى حلم غير
كل يوم
وكأنك قمر
منور فى السما
وسط النجوم
ضى ونور
خاطف من شدته
كل الضلام
كل الغيوم
ناديت عليكِ
زى كل يوم
وفرحت بكِ
مع النجوم
حتى القمر
بص عليكِ
ومن غيرته منك
حس إنه
ماله لزوم
وكل ما يشوفنى
أجرى وراكى
ألاقيه يزووم
حتى النجوم
يبصوا عليكى
ويحسدوكى
ما أعرفش ليه
وفجاءة
القمر أستخبى
وراء السحاب
قال إيه بيعمل
علينا غيوم
لكن طلتك
يا وش القمر
حسستنى
إنه ماله لزوم
يمكن عشان
بأحبك أو يمكن
سحر عينيكى
اللى خلانى
أنسى النوم
واعيش فى حلم
وأغيره كل يوم
إلا حلم الليلة دى
كان غير
كل يوم
ومن ساعتها
عينيا خدت
على سحر عينيكى
وصاحبت كل النجوم
إلا القمر
ساعة ما أشوفك
يختفى
مرة أو مرتين
قال إيه بيعمل غيوم
مايعرفش
إن عينيا
خدت على قمر واحد
من بين كل النجوم
هو إنتى يا حبيبتى
يا شمسى وقمرى
فى كل يوم
ليست هناك تعليقات