أول مرة .. بقلم / جيهان فتحي

بقلم / جيهان فتحي

 

أول مرة أشوف الجرح بيولد فرح
أول مرة أشوف الجاني بيصرخ جرح
عشت وشوفت الشوك بيغني ف قلب الطرح
تاهت مني الدمعة الحايرة ف سوق الشرح
& ~ ♣◦♣◦♣◦♣ ~ &

أول مرة أشوف الصورة بالمقلوب
طلعت أوضح صورة بتشرح غدر قلوب
واحد حب وغنى ياليل بعشق وبدوب
طلع اللحن مجرد نكتة بس تبكي وقت غروب
& ~ ♣◦♣◦♣◦♣ ~ &

أول مرة أشوف الدمع يطفي النار
زي ما تولد نجمة ف ليلها ضي نهار
زي ما ايد الطفل بتسند قلب الأعمى ف المشوار
زي ما قلبي الطيب صدق قلب بينشع والله مرار
& ~ ♣◦♣◦♣◦♣ ~ &

أول مرة ما أكون ندمانة
أول مرة أعشق فجري وأنا غرقانة
عارف إني بكيت ف الشدة وأنا فرحانة
لما لقيت المركب فاضية ما انت معايا
& ~ ♣◦♣◦♣◦♣ ~ &

أول مرة أحلم بالشوق
حلمي معاك طلعني لفوق
حرقت عيني شمس الصبح ولسة بفوق
تفضل ذكرى جوة ف قلبي سحابة صيف عمرها ما تروء ..