كنت فى أول الحلم (بقلم : عبدالحميدالتهامى)
كنت فى أول الحلم
أنا شفتك
وعرفتك
وأنتظرتك ما لاقيتك
أنتِ هى
بنفس ملامحك
فى أول الحلم
ناديت عليكِ
ولمست أيديكِ
وجريت وراك
أشد أيديكِ
وخطوتك سريعة
ماقدرت عليكِ
أنت مين
وليه هربتِ
حتى من الحلم
خفتى من الحقيقة
أكيد خفتى
جريت وراكِ
وفى كل مكان
ما عرفت مكانك
وكملت الحلم
وأنا لسه بادور
عليكى
أنتِ حلم
ولاحقيقة
ولا أعيد الحلم تانى
هأعيد الحلم تانى
يمكن ألقاكى
ليست هناك تعليقات