عيونك عنواني ... بقلم الشاعرة / وفاء أحمد

بقلم / وفاء أحمد

 

عيونك عنوانى

قالى احب اجى لعندك
علشان اسمع منك
و استمتع و انا فى قربك
...

بسحر عنيكى
و رقة صوتك
و همس كلامك
حتى باحب ابص عليكى
و قت سكوتك
و اشوف صورتى مرسومة
جواكى
و اقضى اسعد وقتى
وياكى
و افرح لما ارد
و كلامى يكون على هواكى
و بعد ده كله
تقولى بانساكى
ده انا عمرى الجاى كله فداكى
و كتبت شهادة ميلادى
يوم رؤياكى
و عيونك هى عنوانى
و ده وحده خلانى
احب الدنيا من تانى
و قلبك اخترته
يكون بيتى
ده بس يا اميرتى
لو انتى سمحتى و رضيتى