الغلطة غلطة مين .. بقلم أ / حلمي قاسم

بقلم / حلمي قاسم

*************
الغلطه غلطة ميـــن
مين اللى خان قلبه ؟
ومين اللى ضحى سنين؟
...

كان التمن عمره
ومين اللى باع الحب ؟
ومين الهوى امره!
--
انا عمرى ما اتغيرت
ولا مره انا اتأمرت
وعشانك انتى سافرت
وبعدت واتغــربت
وحلمت واتمنيت
يجمعنا حضن وبيت
ولما وعدى وفيت
انا قولت اعود ليكى
لهواكى انا حنيت
ورجعت لعنيكـــــى
ولما وصلت وجيت
وسألت انا عليكى
قالولى انسى ياريت
غيرك دخل قلبها
نزلت دموعى بكيت
وحلم عمرى انتهى
**
وبعد الآسى والحزن
لملمت انا نفســـى
جففت دمع العين
ضمدت انا جرحى
وحاولت اعيش دنيتى
واشرب كاسات صبرى
دلوقتى ليه راجعه
بتلومى وتعاتبـــى
تبكى وتتأسفــــــــى
وتقولى مش ذنبى
انسى خلاص انسى
امشى بعيد امشى
غدرك كسر قلبى
والصفحه انا طويتها
الذنب كان ذنبــى
سيبينى اعيش وحدى