يا حوا بقلم \ سحر جمال
يا حوا
كلمات \ سحر جمال
يا حوا يا أم البشر
يا أم قابيل و هابيل
الكُرهّـ وباء انتشر
و الطيب هو القتيل
الحقد مالي الدنيا
والفرحة بقيت تمثيل
و العين دايما بتبكي
دموع ع الخد تسيل
الضحكة وراها دمعة
و القلب صبح عليل
الدنيا بقيت لجام
والفارس من غير خيل
مات الحب خلاص
الحب بقىَ مواويل
معدش في احساس
و الكدب هو البديل
شايل هموم جبل
بختي فــ الدنيا قليل
إتحمل بقىَ يا قلبي
و شيل همومك شيل
عدي شّط الحياة
ده الموج بينا بيميل
و مهما نقول الآه
نسمعها آه يا ليل
ليست هناك تعليقات