بــنــــت امــــبـــــــارح :::بقلم : جــيـــهــــــان فـــتـــحــــــــي
لما أكون
هادية وخرسة ومش بتكلم
لما تكون
حتى الآه فيَّ بتتعلم
لما أشوف
حلمي بيصرخ وأنا بتألم
يبقى الفجر أكيد أوهام
شمس الضي تغيب أيام ؟؟!!
يبقى يا عمري اسمحلي اقولك
بحر العشق ده كله كلام
كدب وغش ما يسوي ملام
سافر حلم الزرع الأخضر
في عيون بكرة وقاله سلام
وانا لنجوم العشق هلملم
بنت امبارح صحيت فاقت
كانت عايشة ف وهم وراقت
قتلت قلب الطيبة خلاص
دفنت فيه كل الاخلاص
م اللي شافته ظلم على اديكم
قاسية شموسي قوي ف عنيكم
بنت امبارح حبت دابت
طعم العلقم منكم داقت
لكن مهما اتأخر بكرة
شمس خضوعي مش هتسلم
اخر كلمة قبل ما همشي
انسوا خلاص احساسي وهمسي
هتشوفوا مني غدر كتير
جرحي بينزف بالمشاوير
هعمل اني بحب وأغير
وافرش بحري ليكوا حصير
لكن وقت غروب الشمس
يبقى حسابي معاكوا عسير
ذكرى امبارح ليها أنا هردم
بقلمي /
.•*´'`°¤¸'¸¤°´'`*• .•*´'`°¤¸'¸¤°´'`*•
ღ@@ღ جــيـــهــــــان فـــتـــحــــــــي ღ@@ღ
(¯`v´¯) (¯`v´¯)
`•.¸.•´خـنــســـــآآآآآآآآآآآء الإســـــــكندريــة `•.¸.•´
ليست هناك تعليقات