يا صمت مين علمك ****بقلم: سيد منيرعطيه
يا صمت مين علمك
لغه الكلام
يا حرف سطر
معنى الغرام
قول
اصرخ
إكتب
معنى الهيام
يا روح عاشقه الوجع
يا قلب ما الحب إكتمل
شريان الامل
كتب بحروف الهجا
لحظه لقا
يا حرف إنكتب
وسط الظلام
يا شموع الصبر
قيدى طريقى
وتعالى نحلم سوا
تعالى بلهفه لقا
خلى الصمت ينادى
بصوت مسموع
لسه صمت الكلام
ممنوع
لسه حروف الهجا
نختار كلامها
نرسم خطوط الامل
بين ضحكه شفايف
وعمر تايه
يا صمت مين علمك
لغه الكلام
تعالى حطم صوت
البعاد
تعالى وارسم خطوط
القرب
تعالى بشوق يساوى
لهفه لقاك
تعالى خلينى أفرح
وأعيش معاك
لحظه حب
تساوى حياة
يا صمت مين علمك
تداوى جروحى
وأنسى روحى
وأعيش معاك
بحلم بيوم يجمعنى
هواك
واتوه
واغرق
بين صمت الكلام
وحرف الندا
لحظه لقاك
واخد الصبر زادى
فى رحلتى
وارسم بأيدى
ملامحك
واداوى جرحك
لما أكون معاك
تاخدنى ملامحك
وأسرح فى همسك
ساعه لقاك
يا صمت مين علمك
ليست هناك تعليقات