فكرة ... بقلم الشاعرة / وفاء أحمد

بقلم / وفاء أحمد

 

بيقولوا الحب ممكن يجى بنظرة
او حتى يجى بكلمة
لكن الغريبه
...

ان حبى لك عايش جوايا
اجمل فكره
مش نظرة تختفى وقت بعادك
و لا كلمه تقولها
و تتوه فى زحمة اوقاتك
و علشان تفهم
اسمع منى القصه
عن بنت
يمكن تبقى عاديه
و يمكن مجنونة و شقيه
لكنها اكيد بحبك
بقت استثنائيه
يمكن تكون حلوة
يمكن تكون حالمة
لكن اللى مفيهوش شك
انها بتحبك اوى و فاهمة
مع انك مش ليها
و لا انهارده
و لا بكره
يكفى انها عارفه
و واثقه اوى و حاسه
ان الحب جواك
حتى لو قلت لها لاءه
و حتى لو حاولت تستقوى
و هى بكده راضيه
و ما تخافش بقى عليها
لانها بالحب ده عايشه
و الحب وحده يكفيها
و بيحلى ايامها و لياليها