هواكى ماعدش لازمنى *** بقلم :عزيزموسى

 

هواكى ماعدش لازمنى

بقلم :عزيزموسى
.....................................
روحى هواكى معدش لازمنى

محبش قلب جرحنى ظلمنى


عشت حياتى ابنيلك جنه

وقلبك عاش علشان يألمنى
..............................
بعد ماكنت هواكى الاول

جايه تقولى دا سطر ف جدول

طب مش هشكى

لأ ولا هابكى

هسيبك لازم عنك ارحل

بس اياكى

فيوم تترجى

روحى ودارى دموعك افضل
................................
اللى بيزرع شئ يلقاه

وانت زرعتى فقلبى الاه

جايه تقولى انك بيعاه

مش كان حلمك

انك تبقى فيوم سكناه

وقربك منه اداكى حياه
............................
انت اللى استكترتى الفرحه

وكانت قسوة قلبك جارحه

بعدتى ف يوم مارجعت معايا

قلبى وحبى وازهار طارحه

فرشت الورد عشانك تمشى

ضلل قلبى وعينى ورمشى

بس الحلو اهو ما كملشى

بعت الحب بزفه وطرحه