دمـيــــــاط هـيّــا الـوطــــن بقلم الشاعر : محمد صادق
دمـيــــــاط هـيّــا الـوطــــن
بقلم الشاعر : محمد صادق
بحبك ياطاهره وشريفه
بحبك
بحبك
وإيــدك نـضـيـفــه
بحبك
شوارعك
ودينك ،وشرعك
وأصلك، وفرعك
وربــــــــى اللى صـانعك
وقـادر يصونك
..
بحبك بأهلك ،وناسك
بحبك
بزرعك
وضرعك
وفاسك
بحبك..
بساسك،وراسك
وأقبّل مداسك
.
بحبك
واعلّى ف مراتبك
و طول عمرى حابّك
واخوكى وصاحبك
ف فرحك..ف كربك
وسايق مراكبك
..
بحبك
وحبك
شايل من جوايا خوفى
بحبك
ويشهد كلامى
و تشهدحروفى
ويشهد تاريخى،وشبابى
وأهلى،وصحابى
بحبك
ف حضنك
وف ظل اغترابى.
بحبك
وحابب تاريخك
طفولتك
شبابك
وحتى الكُهولة
بحبك
وكُلِّك شهامة،ورجولة
بحبك
بأهلك
بحبك
بكسمك،ورسمك
وقلبى اللى راسمك
حلاوة زمان
وسر المكان
وبحرك ونيلك،وسحرك
وكل اللى جاى
وكل اللى كان
بحبك حبيبتى
وحضن الأمان
..
..
بحبك..بحبك
وحزنك ف قلبك
وقلبك مخبى
مُصَابك، مُصَابـــى
عذابك
عذابى
..
..
بحبك يا حلوه
بحبك
يا غنوه،تجدّد
صبايا وشبابى
..
..
بحبك ف الشوارع والحارات
بحبك بالجمايل،والحمايل
والخمايل
بحبك تسوى الهوايل
وأجمل ليالى ،وأجمل آهات
..
..
بحبك مساجد
وراكع و ساجد
بحبك مداين
وأحلى سفاين
تشرق تغرب
وترجع لحضنك
تبات
..
..
بحبك
كلامك
غرامك
وحتى سُكات
:
بحبك
وعاشق
أميرة
وساكنة القصور
بحبك
جميلة
وبدر البدور
بحبك عروسة
تشق البحور
بحبك وحبك
مخلى حياتى
جناين
مليانه بريحة الزهور
..
بحبك
وحبك
ف قلبى
أثير
..
ليست هناك تعليقات