أحبك ياأمي .... بـقلم / الشاعر أحمد ابو حسن

أحبك ياأمي

أحبك ياأمي
بكل مافيا
أحبك ياأمي
وحقك عليا
ياعمري وحياتي
وكل ماليا
في دنيا
فيها حنانك عليا
أحبك ياأمي
ياضى العيون
في بعدك ياأمي
يصيبني الجنون
في حضنك ياامي
الهدوء والسكون
يا نور في العلالي
يا قلب وحنون
في حبك فؤادي
مليان بالحنان
مهما كبرت
ودار الزمان
فاانتي بداية
وقت ومكان
يا رمز الحمايه
يا بحر الامان
ركعتي وسجدتي
ودعيتي يامااه
ورافعه ايديكي
وعنيكي في سماه
وقلبك بيصرخ
بحرقه وآه
بدعوه لولادك
دى طوق النجاه
فداكي ياامي
روحي ودمي
راحتك ياامي
دي كل همي
ربي يباركلك
ياكل حلمي
ضميني يامه
لحضنك وسمي
أحبك ياامي
وفداكي كلي
يابستان حياتي
ووردى وفلي
في الشمس بمشي
بتكوني ظلي
دي بركه دعاكي
في الدنيا املي
بحبك
ياامي

كل سنه
وانتي طيبه
يا ست الحبايب

شعر/ أحمد ابو حسن