كرهت الكوره .... بـقلم / الشاعر عوني هشام

كرهت الكوره
مش عايز اشوف
ماتشات

ده يشتم وتانى يرد
واخبار سوده
ف النشرات

عشان الكوره
ماتت ناس
مفيش حكمه من اللى فات

ده شمروخ
ودا طوبه
ويافته كبيره منشتات

عشان قله نقول الكل
عشان غلطة حكم ينزل
واعلام يرمى بالطلقات

عشان نادى عشان لعيب
خلاص زهقنا م الالاعيب
ياريت تسيبوها للستات

انا وانت من الجمهور
نشجع بس ليه بنثور
دى لعبه تروض الاخلاق
هيا فين
والضمير اهو مات

خلاص كرهت انا الكوره
مش عايز اشوف
ماتشات
========
#عونى_هشام