((( ولى العهد ))) ... بـقلم / الشاعر محمودصلاح السيد
أصحى وفوق من الهم
جبنا الزير أبوليله
أصحى وصحى العايله
أيامنا هتبقى جميله
قولوا للخال والعم
وزيعوا بملو الفم
جبنا ولى العهد
ولدى وسند الدهر
ومش هنشيل الهم
كفايه العيشه فى غم
واللى كان بيعاير
يقعد كده يتلم
ويركن كده على جنب
دا الغل مالى القلب
أربط لسانك بحبل
بقالى كتير مستنى
من حقى أفرح وأغنى
أسكت يالائيم وأتلم
لامؤخذه ياناس لامؤخذه
من حقى أفرح وأهتم
أرقص وأخبط فى السقف
أبوس رجله والكف
أنا خايف عقلى يخف
الحمد واجب والشكر
علشان البركه تهل
تملا البيت وتحل
ويسمع كلامك ويرد
ويبوسك بوسه على الأيد
وبوسه على الراس والخد
ويخدك كده بالحضن
شيله يلا من الأرض
يمرح فى الخير بالطول والعرض
يحفظه ويصون العرض
ويؤدى الواجب والفرض
خير من ربك وقرض
كلمات /محمودصلاح السيد22/1/2017
ليست هناك تعليقات