مجلة رؤية قلم / مصر لا يمكن ابدا تركع / بقلم / محمود محمدي العجواني / تحياتي وفاء غريب.....
مصر لا يمكن ابدا تركع علشان درهم ولا دولار
ولا ريال ولا دينار أو بنزين ولا سولار
ون حكمت هناكلها بدقة ولا يتملى علينا قرار
مصر شايلة هم ولادها والولاد عاملين كبار
بس يا ابني مهما تكبر لازم تبقى بأمك بار
اوعي يا ابني تقل ف عقلك
وتبقى لأمك يا ابني عاق
دا انت لأمك لو عقيت يبقى ع الدنيا السلام
وهتتعذب كدا ف الآخرة
والعذاب ف الآخرة نار
اوعى تنسى تكية مصر ياما أكلت أمك وابوك
والكعبة كات تتكسي من مصر
فوق يا ابني شوية فوق
والطرق والكهربة هدية م السلطان فاروق
مين ال ساعد للجزاير واليمن يتحرروا غير أهل مصر
ولا فلسطين الحبيبة فيه حد ليها إلا مصر
ومين بضحى وبتقتل غير أهل مصر
ومين ال شايل همكم غير أهل مصر
مصر أم الدنيا دايما والأم تدي ما بتخدش
ون عيل يوم اداها مش يشوف خد منها كام
هوا انتو مش شايفين بعينكم حجم مصر
ولا اتعميتم ومعتش فيكو أي عقل
مش بالفلوس ولا القصور
هيبقى يا ابني ليكو أصل
خليكو يا إبني ويا أمك واوعى تبعد
أصل أمك يا ابني ليكو امان وحصن
بس يا ريس لم الفسدة
واضرب واضرب في المليان
خلي بلدنا تشم نفسها
وإلا هنبقوا في خبر كان
خواطر أخيكم
محمود محمدي العجواني
ليست هناك تعليقات