بقلم/#عادل_عوف يا مصر
حلو الكلام لما يكون م القلب طالع
والنظرة احلى لما تكون سلامات
واقفين بنفرح كلنا والقلب فاتح
شباك رضابه مخرج الحلمات
أرضع يا نهد الشمس منك نور
دا / الليل خوتنا والرحا بتدور
مجبور أشوفك
رغم عالي السور
يا مصر واقفة تزرفى الأنات
مات الشهيد
وفي شرعنا عاش
عاش اللي ضحى
بالروح وقهر الموت
عاش اللي حبك
بالحب يبني بيوت
قدم حياته/ ورغم موته عاش
عاش اللي صابر رغم المحن ب إيمان
إن الحصاد رغم الجفاف فيضان
وإن اللي جاي
أحسن من اللي فات
عاش اللي مات
علشان تعيشي / عاش
ليست هناك تعليقات