باقيلك شوك الورد كلمات أ / محمد عباس
♢♢♢{{ باقيلك شوك الورد }}♢♢♢
☆☆☆☆☆☆☆☆☆☆☆☆☆☆
كان لي زمان صديق
......................... وبحبه حقيقي بجد
ألاقيه بوقت الضيق
........................ عمره ما يخلف وعد
وبيتي هو بيته
........................ و وصالنا ماله حد
وبفرحي ما نسيته
....................... كان بينا أجمل ود
علمني معنى الطيبه
........................ والصدق لبعد الشيبه
كان بينا عيش وملح
...................... وما نعرف غير الصلح
طول اليوم مع بعض
....................... وحكاوينا لحد الصبح
نتمنى حلمنا يكمل
.......................... وكلامنا ما بيتعد
نرسم مستقبل أجمل
.......................... والهمة نشدها شد
كان حلمي هو حلمه ...
...................... ومفيش أبواب ولا سد
وخفة دمي من دمه
.................... بقلوب ما تعرف حقد
كان لي سند ورفيق
......................... وسلامنا كان باليد
ببسمة وقلب رقيق
........................... ودايما وش السعد
فخدعني و أصبح غير
...................... وكلامنا صبح ع القد
صديقي حاول تنساني
.................... أنا خدت خلاص ع البعد
وانت أصبحت أناني
......................... وباقيلك شوك الورد
يمكن شوكه يصحيك
........................ أو حتى صوت الرعد
خايف يومها يبكيك
........................... بدمع سايل ع الخد
ارجع تاني بناديك
.......................... أرسلي جواب أو رد
□□□□□□□□□□□□□□□□□□□□□□□□□□□□
♢{ كلمات :أ /محمد عباس }{ ابن الحجايزة }♢
ليست هناك تعليقات