مجلة رؤية قلم / رد على عمنا م. عطيه شو بقل م / عونى هشام / تحياتي وفاء غريب.....
=======....عونى هشام
الشعر الحلمنتيشى
لغبطلى حياتى وعيشى
تلاقيه عند البقال
وبكام هات ما تخبيشى
سرقته انا م الشواش
خبيته ف عبى بشاش
وجريت بيه ع الندوات
وكأنى قطار قشاش
الجنتل والجنتيله
قرفونا وجاتهم نيله
حروف الجر خدوها
والضمه جات بالتيله
مجدى سرحان مع نفسه
مش قادر يمسك نفسه
موتنى معاه م الضحك
لو بطل تسمع همسه
ماهى حاله جنان ف جنان
اشعارهم فيها اكلان
تسمع ما تبطل هرش
او تنصاب بالغثيان
تعبنا والله يا عمى
حروفك بتزيد همى
بس دى حاله وموجوده
بتفرشح قول لها لمى
هتلم عليك وعليا
وتروح تاخد النقديه
وخداها حروف بنقوط
او عيد وتلم عيديه
لو عرس هتبقى غزيه
وهترقص واحده ونص
فى الندوه هتبقى عفيه
والجنتل عينه بتبص
يهلل ليها ويصقف
ويطبل وكمان ويهتف
والناس بتف عليهم
تتبصص او تتكتف
ماهو وسط بدق طبول
شغال عمال على طول
ضاع الشعر ومعانيه
ونسينا معاه القول
مين فاعل مين مفعول
خلاص مش عارف اقول
الشعر كتير منقول
ومعبى جوه الظرف
وظروفنا زفت وطين
دول ناس لاضمير ولا دين
فكره باعه بقرشين
وبقينا ماشيين ع الحرف
طبعا ف عيون فاتحين
عارفين الحرف لمين
ومعانا ناس علامه
مش عارف تايهين فين
ساكتين لا مش ساكتين
هنفضح ونقول مين
فى ناس خدت العضويه
والشعرا مش طايلين
الزوق العام اتلغبط
واهو كله ماشى بيستعبط
دواوين مرسومه اشعار
مكتوبه بحرف مشخبط
=============
ليست هناك تعليقات