مجلة رؤية قلم / ممنووووووووع / بقلم / عماد الدين محجوب / تحياتي وفاء غريب.....
ممنووووووووع
ممنوع الشمس تطلع
ممنوع الروح ليا ترجع
ونعيش كده بألمنا ف سكوت ماحد يسمع
والحب مخاصمنى ليه
وليه بقالوا سنين عنى غايب
والعمر راح وعدى
والشعر بقى منى شايب
وفضلت ياقلبى انت
سنين من الهجر دايب
وسألنى قلبى ايه اللى جرا لينا
ليه من حبك فضلت انا وهو لوحدينا
قلت ياقلبى يمكن
الحب ممنوع علينا
ممنوع نحب تانى
ممنوع نحب تانى بعد الحب الاولانى
ولا عمر الحب اللى ضاع حيرجع
بعد ماتاه منى فجأه
وفاتنى امشى وحدى شريد ف سكة زمانى
ولا الدنيا عايزه تبتسملى
وتقابلنى بحب تانى
ممنوع ياقلبى نحلم
ممنوع ياقلبى نحلم بالحب
لو حتى ثوانى
ممنوع ياقلبى نحلم بيه لو حتى امانى
ممنوع ... ممنوع ... ممنوع
بقلمى / عماد الدين محجوب Emad Eldin Mahgoub
القاهره فى 1/ 12 / 2016
ليست هناك تعليقات