الشاعر/(عبدالمنعم مرجان) ......أصول تائهه......
شعر عامي
*************************************************************
.................أصول تائهه.......................
الواد حماده ابن اسماعيل
عيل خفيف ملياه مياصه
عياره فالت حبتين
لو حكمي كنت اديه رصاصه
عالترعه واققف من يومين
وقال معاه نفرين حراسه
كانت سعاد بت ابراهيم
بتغسل مطرح طبخها
قام الولد ابو فعل شين
بفحش الكلام لقحلها
قامت البنيه دوغري عايطه
وجري تحكي لامها
عاللي جري من دا الجدع
وكيف حرقلها دمها
الام كات علطول تخاف
من اسماعيل اصله ابن عيله
ول عيب حماده ف يوم ماشاف
ماهو كان غلام وحداني حيله
قالت يا سعده لاجل خاطري
ما تحكي لابوك الخبر
ول عيب حماده معايا شاطري
دا عيلتهم ييجي الفين نفر
وابوك يابتي راجل ضعيف
طول يومه سارح في الغيطان
خليه يابتي ياكل رغيف
بدل الزعل ويبات جعان
قالت خلاص والله ما اقول
ولا كلمه لاجل ما اعكره
دا الغلب ويا الفقر غول
مذموم ومكروه منظره
.......
آدي حكايه بت الناس وحماده
اللي مايفهم للاصول معروف
ييجي الف قصه قول الفين وزياده
وياما نسمع حكاوي وفعل شين هنشوف
وطول ما الكبير يدوس عالضعيف كالعاده
لا ععمر حال ينصلح وبان ف وش كسوف
....................وخلاص
(عبدالمنعم مرجان)
ليست هناك تعليقات