مجلة رؤية قلم / أمسح عينيك / شعر/ وحيدعلي محمدحسين / تحياتي وفاء غريب.....
أمسح عينيك
واغسل إيديك
وشوف الدنيا من جديد
يمكن يكون شيئ سعيد
مش شرط ليك
يمكن لغيرك
الدنيا يابني
مش بس ليك
غمض عيونك
عن اللي يخونك
وضم فيها
اللي يصونك
الدمع فيها
بألف كلمة
في كلمة وحشة
وفي كلمة حلوة
العين دي نعمة
أوعى تغمض
دي العتمة وحشة
ولو فضلت قافل عليها
بكرة هاتعمى
فتح عيونك
ليل نهار
في وقت جدك
ووقت الهزار
في ناس كلامها
بين السطور
تلاقيه هزار
وهو قاصد بيه المرار
خليك مفتح
علشان تشوف
قلبك هايجمد
ولا يلاقي خوف 
😱
😱
لغة العيون
دي عملة نادرة
تعرف بيها
مين اللي صاين
ومين اللي خاين
ومين الخجول
أمسح غشاوتك
داري شقاوتك
وافتح لي قلبك 
♥
♥
ماهي العيون
ربك واصلها بالقلوب
أعرف عدوك
من حبيبك
من عيونك
تعرف طبيبك
الدنيا حلوة
بس الجنة أحلى
لا حب دايم
ولا كره دايم
فيه اللي قاعد
وفيه اللي قايم
ومين اللي دايم
غير رب العباد
في كل وقت
وكل حين
بكرة نقف قصاده
يوم الدين
نضف عيونك
نضف جفونك
بدمعة صافية
م القلب دافية
وبنية صافية
ونظرة حلوة
تملك قلوب 
💕
💕
دي دنيا زايلة
والباقي فيها ربنا المعبود
شعر/وحيدعلي محمدحسين
ليست هناك تعليقات