مجلة رؤية قلم / اقرالي مكتوبي / بقلم / عبدالمنعم مرجان / تحياتي وفاء غريب.....
......شعرعامي.........
**********اقرالي مكتوبي**************
.......................................................
بالله تيجي يا محمد أفندي
تقرا كدا ايه مكتوب عندي
بيقولوا قال باعتيلي فاتوره
ييجي ب 1000 جنيه ويعدي
بس ماتحكيش قدام ناعسه
أصل الصحه معاها معاكسه
خلي ف سرك وأبقي احكيلي
وانا اشوف حالي وهي ما حاسه
...................
شوف انا اقولك بقي يا مغاوري
من غير لطم ووتعمل ثوري
التسليف باعت من بنكه
حجز عليك أو تدفع فوري
..............
يااادي اليوم اللي غابت شمسه
دا الفدان عن أبويا أنا و وارثه
أدفع ليه ييجي 1000 جنيه
لبنك التسليف ربنا حارسه
...................
اسمع بفي يا مغاوري كلامي
هو كدا المكتوب قدامي
يا تروح تدفع أو تتظلم
وكفايه ندب قلت منامي
...............
طب بالاذن يا سيدنا البيه
الهي ما مكروه ترقد فيه
بكره الصبح أروح علي بنها
أبيعها جاموستي وعوضي عليه
...............وخلاص
بقلمي(عبدالمنعم مرجان)
ليست هناك تعليقات