مجلة رؤية قلم / يا سلام / شعر/ وحيدعلي محمدحسين / تحياتي وفاء غريب.....
يا سلام
ع الخضر
بدل الزحام
والله أحلى عيشة
مش والسلام
لا دي أحلى عيشة
مافيهاش نفاق
ولا رياء
ولا دوشة ولا كلكس
ولا زحام
ناس نضيفة
ناس خفيفة
عايشاها عيشة
على كام رغيف
نام م المغربية
نام خفيف
والصبح بدري
قوم خفيف
ع الأرض تجري
تعزق وتجني
والست تحلب
وفطار تحضر
وغدا تشمر
فطير مشلتت
وطاجن محمر
ومرة جبنة
وخيار طماطم
ولا غيرنا يدرى
عن اللي بينا
حب وطيابا
مش وحوش في غابة
عيشة هنية
نفوس صفية
مش راضية
لا مجازية
عايشة بفطرة
وناسية بكرة
عارفة ان بكرة
مسيرة يجي
ولما يأمر ربك يقولوا
أمرك يا سيدي
الحب عادة
زي العبادة
قلوب نقية
مليانة طيابة
نفسي أصرخ
واقول آه يابا
ع الديابة وسط الغابة
مدينة إيه
يافندي يا بيه
وكام دولار 
💵
💵
وكام جنيه 
💷
💷
بكره هايجي
وبعده هايجي
والعيشه ماشيه
والدنيا ساقية
واحنا فيها
تيران تلف لفه
وكل لفه بين سواقيها
الدنيا ديا الله يجازيها
ياريتها فضلت
خضرة وميه
دي أحلى جنة
نعيش فيها
شعر/وحيدعلي محمدحسين
ليست هناك تعليقات