مافيش مظلوم بيستسلم #عادل_عوف

مصري يا مفروم على قولهم
مافيش مظلوم بيستسلم
ميدان المعركة عقولهم
فساكت ليه م تتكلم
حيطان عاليه وآلفين سور
دوائر مغلقه ومسافات
وأيد مبترة ساحبة النور
وضلمة روحنا في ملفات
على رف الأمل مكسور
وتستنى شهود أموات
مصري يا مكسور من الداخل
مافيش لا قوة ولا حوله!!!
بتهرب ليه وتتاخد
متاخد على القبور جوله
وشوف مين ضحى مين مفقود
ومين كمل فكان موجود
شهيد عايش وله مردود
على كتافه قامت دولة
مصري يا مفرود على هلالك
صليبك احضنه بعزة
أنا راصد لاحوالك
سلامتك بس في الوحده
فقول وإدلي بقوالك
وفوق قبر الشهيد وردة
بتحكي كل امجادك
وامجادهم قلوب خردة
-
#عادل_عوف