مجلة رؤية قلم / الحلم مجانى / بقلم / الشاعر عبدالحميد كامل أبوعجوة / تحياتي وفاء غريب.....
شعر / عبدالحميد كامل أبوعجوة
__________________________
الحلم مجانى
...................
من حقي احلـم
مـادام الحلـم مجانـي
وابنى فى حلمى
جناين وقصور
ما انا عاشق وانت
فى حلمى شئ تانى
خلينى احلم واطير
مادمت مش مكسور
لو عايز تغيب غيب
بس اوعاك تنسانى
ما انا فى عشقك
دايب وبالعشق معذور
بدعى يحفظك ربى
مع انى وحدانى
لكن من طبعك البعد
وبجمالك مغرور
خلينى مع قلبى
اناجى اشجانى
ما انت الهجر طبعك
وانا فى حبك مأمور
ليه تطول فى بعدك
وتزيد فى احزانى
وتعيشنى فى عتمة
وتاخد معاك النور
تجرحنى بهجرك
وتتهمنى انى الجانى
لولا غلاوتك عندى
لمحيت ليك كل شعور
دايما تلوم عالزمن
وأتوه فين ودانى
وكأنك شيطان إنسى
ملبوس بشرور
بإيه راح يفيدنى
رجوعك تانى
وانت دموعك كدب
وف الكدب مش معذور
اعرفك انى نسيتك
روح بقى وانسانى
دور على قلب غيرى
واجرح اللى عليه الدور
ما انت كاس عذاب
والهوى منه سقانى
وكاس العذاب مكتوب
وعالعشاق داير ما يدور
------------------------------
من ديوان ( الحلم مجانى)
ليست هناك تعليقات