مجلة رؤية قلم / يا إخوانا كفاية تظاهر / بقلم / محمود محمدي العجواني / تحياتي وفاء غريب.....
يا إخوانا كفاية تظاهر
يا إخوانا كفاية تظاهر دا الأحوال تصعب عـ الكافر
خلوا العجلة شوية تدور وارضوا شوية بالمقدور
ربنا خلق الدنيا فــ ستة وبقدرته يخلقها فــ ثانية
بس علينا بالأسباب زي ما علمنا الوهاب
لكن نقعد فــ الميادين ليل ونهار دايما قاعدين
لا موظف بيشوف أشغاله ولا عامل بيشوف أعماله
ولا فلاح بيشق فـ أرضه ونــــ عطشت يرويها بعرقه
تبقى حياتنا هتصبح طين ونعيشوا عالة وفاشلين
بص يا خويا على البساتين والأنهار فــ شمال ويمين
بتنادى علـــ الفلاحين شدوا حيلكوا يا طيبين
والمصنع بينادى العامل بيقوله قاعد ليه عاطل
يالا يا خويا على الأعمال وخليك قدوة للأجيال
دا العيشة من غير أشغال والله هتبقى سواد فــــ سواد
وانت يا صاحب العلوم وانتا هتفضل كدا مكتوم
يالا يا خويا إصحى واقوم واشرح دايما بالمفهوم
خلى عيالنا امال تتعلم علشان مصر بكدا تتقدم
وانت يا دكتر فين أخلاقك والعيان مرمي عــــلى بابك
بينازع وفــــ دموا سايح هتسيبه ينزف ويموت
خد يا دكتر بالأسباب وارمى حمولك عـــ الوهاب
مش دا أخوك ولا إيه ولا الدنيا جرالها إيه
يالا يا خويا منك له نحطوا إيدينا ف إيدين بعض
علشان نبني بلدنا مصر ونرفع فيها رايات النصر
تحيا مصر تحيا مصر تحيا مصر
خواطر أخيكم
محمود محمدي العجواني
ليست هناك تعليقات