مجلة رؤية قلم / مصر الامان / بقلم / مصطفى عبد المنعم / تحياتي وفاء غريب.....
مصر الامان
--------------------
الله عليكى يامصر يابر الامان
يا ام النخيل العالى ....
وشجرنا اللى مالى الغيطان
يا ام كل الفلاحين الشقيانين
يا ام السواقى اللى بترسم
ارضنا جنه .. ياتمر حنه
يا ام المداين والشوارع
حاضنه ليل السهرانين
ياضحكه صافيه دافيه مليانه حنين
يا ام المصانع والمكن والخبره
يا ام الجوامع والكنايس
والهرم عبره .....
يا ام الشهامه والكرم
نيلك مناره يا ام الحضاره
عمرها.. عمر الزمااان
الله عليكى يامصر يا بر الامان
------------------------------------
هذه القصيده للشاعر ..
مصطفى عبد المنعم
من ديوان (عصر الاخطبوط)
ليست هناك تعليقات