مجلة رؤية قلم / ( فرح السويس ) / بقلم / عبد الله بخيت / تحياتي وفاء غريب.....

وفي رمضان ايضا سطر أبناء مدينة السويس المصرية اروع وأعظم البطولات وتم دحر العدو

الصهيوني عل مشارف مدينة السويس .بعد تحقيق العبور والنصر..اليوم الثاني:..

# المبدعون العرب..

ومن ديواني(( من وحي المعركة))

اقدم لكم قصيدة " فرح السويس"

مدينة عربية مصرية باسلة..سطرت برجالها الأبطال من المقاومة الشعبية

يوم ٢٤ أكتوبر اعظم البطولات ..حينما حاول العدو الصهيوني أقتحام المدينة

بعد وقف أطلاق النار في٢٢ أكتوبر١٩٧٣.

وتم تدمير قوات العدووهزيمته..

( فرح السويس )

يا ولاد بلدنا في السويس*

باركوا العروسة للعريس*

ياما عشنا حب سنين طويلة*

في أرض الشهامة والبطولة*

وكان فرحنا يوم الخميس*

يا ولاد بلدنا في السويس*

باركوا العروسة للعريس*

باسأل حبيبي قال مسافر*

شايل السلاح ويا العساكر*

قال مستحيل أبدا أهاجر*

بالروح تعيش بلدي السويس*

يا أولاد بلدنا في السويس*

باركوا العروسة للعريس*

حاولوا الصهاينة يدمروها*

قلنا ولادنا يعمروها*

قاموا جنودنا وطهروها*

حافظ وعباس وعويس*

ياولاد بلدنا في السويس*

باركوا العروسة للعريس*

راجعين يا بلدي بكرة تاني*

جوه السويس حنقول اغاني*

بأيدينا هنعلي المباني*

والفرح يكمل في السويس*

يا ولاد بلدنا في السويس*

باركوا العروسة للعريس*

بكرة المصانع تبقي دايرة*

بكرة الميادن تبقي نايرة*

واجراس كنايسنا اللي صابرة*

هتدق بكرة في السويس*

يا ولاد بلدنا في السويس*

باركوا العروسة للعريس*

أرض الكنال حيهل نورها*

ميت مرحبا باللي يزورها*

ويشوف جناينها وزهورها*

ويجيب هدية للعريس*

يا ولاد بلدنا في السويس*

باركوا العروسة للعريس*

( شاعر المعركة/ عبد الله بخيت)

في جبهة القتال..يوم ٢٦ ديسمبر..١٩٧٣.