متعودين ======= عونى هشام
نسمح دموع
مش من عنينا
دموعنا جفت
عندنا
وتعبت ايدينا
----------
دمعة ف فراق
دمعة ف لقا
دمعة عذاب
دمعة شقى
ولسه جوه
الدمعه فينا
ملهاش طريق
ومفيش صديق
يوم حس بينا
-----------
كل الدموع
اتحجرت
حتى المشاعر
جردت
احساس جميل
حتى الضمير
غاب عننا
وكان يوم مالينا
------------
قلبك يحب
تعيش عذاب
فكرك يشت
راح وغاب
والصوره باهته
فيها لوم
وكمان عتاب
نفسى اشوف
النور
موجود هنا
ومحسوب غياب
------------
نفسى اشوف
مصنع هناك
ليه الخراب
نفسى حتى
سؤال ياجينى
وليه جواب
ليه كل مره
الباشا غاب
---------
نفسى اعود
للشلة تانى
نفسى ارجع
يوم شباب
بس اه
النفس باتت
الشعر منى
كله شاب
والسنان راحت
بحالها
بس عندى
جدر ناب
---------
ومتعودين
احنا فين
احنا ماضى
ولا حاضر
طب وبكرا
جاى لمين
عرفونا يا طيبين
نفسى احس
الفرح مره
ليه اعيش
عمرى حزين
-----------
ليه يزيد
الدمع عندى
واخاف لينقص
دمعتين
يا عم سيبه
وهات مكانه
حتى بسمه
ف ثانيتين
----------
نفسى اودع
دمعتى
طب خد
بايدى لسكتى
بلاش تزيدنى
فى الدموع
ارجوك بلاش
بلاش رجوع
خلينى امشى
بخطوتى
------------
لو حتى كانت
خطوه خطوه
بس اوصل
ضحكتى
اكتب حروف
وامسك دفوف
وبصوت جرئ
اقول معاكم
غنوتى
---------
بكرا احلا
م النهارده
بلاش تقول
متعودين
تعالى بس
بنفس راضيه
بالقلوب متجمعين
اخنا قوه
وبالاراده
انت وانا
قول قوتين
-------------
الحب يملا قلبنا
والفرح يكبرعندنا
ونقول يا دنيا
مُقبلين
من غير الم
من غير دموع
متوحدين
ونقول هاتيجى
مكملين
وتبقى عاده
عندنا
ومتعودين
ليست هناك تعليقات