مجلة رؤية قلم / (((((يا خلق هوووو))))) / بقلم / محمودعمارالزلبانى / تحياتي وفاء غريب.....
(((((يا خلق هوووو)))))
-----------------------محمودعمارالزلبانى
يا خلق فهموني
خلاص العقل قرب
مش لازم تنصفونى
ونفسي منى أهرب
أصحى الصبح بدرى
يا دوب ألحق أصلي
وأنزل لشغلى أجري
مش عارف ايه حاصلي
ألاقى الكل سارح
واللي نازل يشاور
واللي دمعه سايح
ولنفسه شغال يحاور
واللي نايم ع الرصيف
والشبشب تحت راسه
حاضن نص الرغيف
والمر هو كاسه
وولد نازل عياط
وأمه ماسكه ايده
مفكوك منه الرباط
مش عارف ايه يفيده
واللي مبرق عنيه
طالع منها الشرار
واللي فى لحظه تلاقيه
يصرخ –العيشة مرار
مش لاقي لقمة حاف
بردان يا خلق هووو
سرقوا منى اللحاف
ارجوكوو ترجعوه
واللي مستنى الفطار
نفسه ياكل زى غيره
واللي مقضيها هزار
ومش عارف خط سيره
واللي يصرخ جيبي فاضي
يخرب بيت أم الحرامي
لاأنا عارف أشكي ولا أقاضي
ومين ها يسمع كلامي
وصلت شغلي بعدحيره
خدت طريقي كله ماشىي
روحت لقيت ع البق سيره
المرتب قال ما جاشي
يا خلق ساكن بالايجار
وكرهت نفسي من السلف
وبقالي ما يعرفش الهزار
دا في شخطه قطعني الخلف
كان أملي في شوية خضار
الحلل عندي زي العمد
قاعده فاضيه ليل نهار
والصحون جابت ولد
ما أقدرش أرجع للعيال
فاضي وبحظي الدكر
طب أمد ايدي للسؤال
أشحت طبيخي يا بشر
الخلق عايشه معزورين
والهم راكب ع الكتاف
ياما خلايق مطحونين
مش لاقيه حتى اللقمةحاف
وخلق تانى مرتا حين
العيشة وياهم هنى
يا رب لينا كون معين
دا الكل رايح للفنى
-------------محمودعمارالزلبانى
ليست هناك تعليقات