مجلة رؤية قلم / إغتصاب / بقلم / محمد عبد العزيز دراز / تحياتي وفاء غريب.....

إغتصاب 
كلمة صعبة.....كلمة توجع 
كلمة وبعدها الخراب 
كلمة زي السيف .... بتقطع 
وتذل وتكسر الرقاب 
كلمة معناها إنك تمنع
يكون لك تاني عشرة و صحاب
كلمة تقتل ..... كلمة تخلع
وتحملك كل الصعاب
كلمة مش معناها تقلع
وتنهشك شوية كلاب
اغتصابك لما يطمع
يطمع فيك بشر ذئاب
يخدوا شرفك من غير ما تسمع
ويدفنوا شرفك في التراب
آه منكم يا كلاب بترتع
عايشين في عتمة وف ضباب
لو فلتم من قانون ب يردع
مش هتفلتوا يوم الحساب
واحنا لازم قلوبنا تجمع
ونقف جنب اللي ناله المصاب
مش نعايره وكلامنا يوجع
وكمان يتحمل منا العقاب
يا خلق نرجع للدين ونسمع
ونربي عيالنا على الصواب
واعمل ما تشاء واخدع
كله مكتوب في الكتاب