عادل عوف.....كل شئ كان بالغلط
كل شئ كان بالغلط
هلف تاني و اغيره
الشمس فكت ارتباطها بالكواكب والنجوم
فكان طبيعي في بعدي عنها
تلقى المعاني اتلخبطت
والساعة ممكن تبقى يوم
ممكن تلاقي الليل نهار
والثوابت في اختبار
والحروف صدت معاني
والنبات ترك الخضار
ممكن تلاقي الضحك مات
والطفل شايخ وفي ثبات
والحنان م الأمهات بقي بالمقابل وافتروا
كل شئ كان بالغلط
حتى الخيال كان منبعج
وظل ثالث للعتاب
والصمت بصرخ منزعج
والنظرة كسرة النضارات
فالشوف ضرير
عكز بغشم على اللي فات
احساس أخير
طل الكلام رصاص وصاب
مسكت أنا في الحلم ساب
من غير محاسبه أو حساب
أشوفك بخير
ليست هناك تعليقات