مجلة رؤية قلم / خلاص خلاص / بقلم / عونى هشام / تحياتي وفاء غريب.....
الى كل شخص يلبس
ثوب الصداقه من
اجل مصلحه زائله
=========== عونى هشام
خلاص خلاص
سيبنى ف حالى
كفاية بس اللى جرالى
سهرتنى وتعبت معاك
وشغلت فكرى مع بالى
معرفتى بيك كات لمصالح
تهجر وحتى ما تتصالح
كبرت فيك وانت ما تكبر
بس النوبادى ما هاتسامح
خد مصالحك وانسانى
اياك تروح على عنوانى
كل الدفاتر هاشطبها
لو حتى كان فيها أغانى
كان باقى سطر انا حذفته
وسجل اسمك أنا مسحته
اليوم هنام والبال مرتاح
طويت سجلك وقفلته
ضيعت منى كتير ايام
كان ليك كابوس هنا ف الاحلام
ياعم فكك بقى منى
اليوم خلاص مافى بينا كلام
أنا هامحى اى ذكرى معاك
وهانسى يوم كان فيه رؤياك
خلاص عرفتك بحقيقتك
كرهت سيرتك روح لهناك
عشان وصولى وفضولى
وكنت ماشى كدا ف طولى
تحسب مصالحك يا أبو صالح
وكام هتاخد م اللولى
كشفت نفسك انا فرحان
وعرفت انك ندل جبان
اياك تقرب تانى عندى
لو حتى باكى وجيت ندمان
=============
ليست هناك تعليقات