مجلة رؤية قلم / ذكريات زمان كانت هنا / بقلم / أ . محمد عباس.....
ذكريات زمان كانت هنا
في قريتي وسط البيوت
ويا الغيطان تحت الشجر
مع الحبايب
كانت أيام فيها الرضا
مجتمعين أمي وابويا
والجيران ويا الصحاب
وجدي شايب
كانت الطبيعة وكان الصفا
والحكايات ويا السهر
على الحصير والمصطبة
ولمة عيليتنا الطيبة
نسمة هوانا وكلمة حلوة
للعليل فيها الشفا.
وأطفال بريئة .بقلوب جريئة.
وأيادي حانية وطبطبة
وبلدنا ما فيها العدا ولا حد غريب
ولقمتنا فيها الهنا لصاحب نصيب
والعيش دا كان غموسه مش
وكانت قلوبنا ما فيها غش
ولا كان في نت ولا كان في دش
دلوقتي الوجوه اتبدلت واتغيرت
وقالوا عنها اتعلمت واتنورت
لكن خسارة إتعددت .
وتلونت وتبلورت
الوش أصبح الف وش
والخسيس أمه ماجابتش ولد
وكان الأصيل إسمه فينا ابن بلد
عنده الشهامة والمروءة للأبد
وصاحبه هو دنيته وفلذة كبد
تحية ليك يا ابن البلد .
***** { كلمات : أ /محمد عباس } *****
************************************************
ليست هناك تعليقات