مجلة رؤية قلم / كلام في الممنوع / بقلم / محمدعبدالعزيز دراز.....
كلام في الممنوع
من تحت سفح الادب
نسمع كلام في الممنوع
كلام تحت الطلب
كلام في اي موضوع
كلام مكتوب في كتب
يقوله كل خنوع
كلامهم زي الخشب
عمره ما يسد جوع
وكلامي نصيحة وطلب
من قلب عليكوا موجوع
الجهل ....
الجهل علينا غلب
وفهمنا بقا مقطوع
الجهل وقلة والادب
انتشروا في كل الربوع
والكل عن الجهل كتب
وكتابة في الممنوع
الجهل علينا غلب
وعلى كل شكل ونوع
والقوة ساعة الطلب
تلاقيها للجاهل دروع
سيبك من قلة الادب
واتعامل مع الناس بخضوع
البطالة
ساكن ديار اهلك
وعايش عليهم عوالة
وتصحا على مهلك
وعامل فيها ابو الرجالة
وتستنى اللي يندهلك
وتروحوا للقهوة زمالة
وليلك يلحق صبحك
وتقول انا عندي بطالة
ويوم ما تلاقي شغلك
تتبغدد وتعيش خيالة
يا عم عيش عيشة اهلك
واشتغل وبلاش سكالة
او سافر وابني نفسك
وابعت لامك حوالة
اتحمل وابني على مهلك
الانبيا كانت شغالة وشقيانه
اوعى تتكبر على رزقك
طالما بالحلال كسبانه
ليست هناك تعليقات